Non sei, non quero entrar a valorar a tradición ciclista das vilas que comentan os populares, porque sei que moitas delas téñena. Descoñezo a da Rúa, pero seguro que tamén a ten. Agora, oque me parece moi mal é que fale de clientelismo e de que a Viveiro lle dean (hai que pagala que non é gratis) unha etapa da Vuelta a España, simplemente porque o antigo concelleiro de deportes era do BNG. Paréceme absurdo e un insulto para o meu pobo e máis tendo en conta que nos últimos anos é unha das únicas vilas que está apoiando decididamente o ciclismo galego, apostando pola Volta Ciclista a Galicia (todos os anos temos unha etapa), aínda que xa non é para ciclistas profesionais. Sempre temos unha etapa aquí e despois vai a cidades grandes e repartese entre poboacións medias coma Cangas este ano, Tui outros, etc.
E ademais aquí non teremos unha gran tradición de afición, pero si de equipos (e eso que aquí ao ciclismo non se lle apoia tanto como no sur de Pontevedra). Posuímos un equipo (Club Ciclista Viveiro) do que saíu un rapaz, Alejandro Paleo, que está no Supermercados Froiz e para o ano estará en profesionais co Karpin Galicia, senón ao tempo. E tamén temos un cadete que aínda hai un mes participoiu nos campionatos de España celebrados na provincia de Castelló. Asemade está a peña ciclista Gráficas LAR, que organiza unha ruta cicloturista e outra de montaña, ao igual que o club que vos menciona antes celebra o Gran Premio San Roque para os máis pequenos e unha carreira para os cadetes que acaba sempre no alto do Monte San Roque, despois de recorrer as estradas da Mariña Occidental. En definitiva, que poden falar de Santiago se queren, aínda que bueno aquí o CC Muebles Compostela terá algo que dicir, ao igual que os seus veciños do CC Padronés, que son os que recordo neste intre. De Allariz si que non teño idea, máis aló de que é a vila de Anxo Quintana, pero de Viveiro, eso non llo perdoo. Non poden dicir que non temos tradición e que non levamos anos apoiando o ciclismo. Ademais falan do Porriño e Ponteareas, lugares que seguro que teñen moitísima máis tradición que Viveiro, pero teñen que darse conta de que unha carreira como a Vuelta non pode facer catro etapas na mesma zona. E, senón recordo mal, me parece que a primeira etapa Vigo-Vigo, vai facer un percorrido pola comarca viguesa, así que vai tocar todos estes puntos, en menor ou maior medida.

En fin, para min son críticas infundadas, duns que tiñan máis que calar do que dicir, porque estivemos máis de catorce (trece anos coas dúas etapas que tocaron Galicia o ano pasado) sen ciclismo do máximo nivel en Galicia pola súa culpa. Así que, penso que era mellor que estiveran caladiños e axudarán a botar a esa xente que tanto tempo estivo mandando nas federacións e tan mal lle fixeron ao noso deporte e aos nosos deportistas (véxase a Federación Galega de Fútbol).

Saúde.