Perdón polas formas, pero esto é realmente o que se me leva pasando pola cabeza todo o día. Na previa falaba de que cría nos milagres e aquí o temos. Bueno, máis que nos milagres, debíamos falar dos erros. O erro e a inutilidade de Lewis Hamilton. Hai que ver o ben que aparcou o rapaz o coche. Nin a min me ensinaron tan ben na autoescola.

Agora aínda queda o máis difícil. Recuperar os catro puntos en Brasil, na última carreira, vai ser profundamente complicado pero... Vai ser complicado, sobre todo, porque Hamilton conta co apoio do seu equipo e Alonso non. O propio Ron Dennis parece que se quitou hoxe a careta dicindo que loitaban (Hamilton e o equipo) contra Alonso na carreira. A ver que pasa. De todos os xeitos, agárdannos dúas semanas de moitas declaracións, despois de todas as que xa se fixeron este fin de semana (Alonso criticando o trato que lle deron toda esta tempada en McLaren). E ademais ten que controlar a Kimi que tamén ten as súas opcións.

E vou dicir outra cousa. Se non pode gañar, o mellor é morrer matando. Que se mostre antideportivo como Schumacher e lle dea na cabeza ao seu 'capo' sacando de pista a Hamilton e coroando a Raikkonen. Sería a hostia esto, o que pasa é que ao mellor lle traía consecuencias moi drásticas (retirada da superlicencia de por vida). E xa sería impresionante que o fixera cando o fora a doblar Hamilton, se non pode estar á súa altura na carreira.

O desenlace en 14 días. Agardemos que poidamos ver outra vez esta celebración (non atopei a de Telecinco que é na que se lle escoita mellor).

Por certo, para todos eses -sobre todo os españois-que sempre critican a Alonso por ser prepotente, antipático,... aquí vos queda este vídeo. Son as primeiras declaracións de Fernando despois da súa victoria en China, agradecendo o aopoio do público.

Finalmente estou moi preocupado polo pai de Hamilton. Aínda non o vin nada hoxe. Perderíase? Estará ben? Ande andará?

Saúde.