Arranca o "Circo" da F-1. Estas son as miñas apostas para a nova tempada

Arranca o Mundial de 2008 da F-1. Primeiras presentacións oficiais dos novos monoplazas e primeiras voltas aos circuitos de adestramento e de preparación dos "bólidos" de cara ao primeiro grande premio, que se celebrará aló polos comezos de marzo nas antípodas, concretamente en Australia. Calendario

E eu, igual que o Marca vou ser ousado e facer a miña aposta a golpe de prinicipios de xaneiro. Así cando se cumplaa miña predición (máis ou menos, tampouco fai falta que sexa acertado ao cento por cento)autocitareime e poderei afirmar convencido e orgulloso que eu xa o dixera hai oito meses. Por certo, sigo esperando que os de Marca digan a bombo e platillo (como fixeran coa fichaxe de Alonso, que xa anunciarán en Hungría que se ía de McLaren), que se trabucaran con que Rijkaard ía ser destituido se o Barça perdía no 23-D ante o Madrid no Camp Nou. En efecto esto produciuse (a derrota do conxunto catalán), pero o holandés sigue sendo o que se senta no banquillo do coliseo blaugrana. Pero bueno, esto é fariña doutro costal e estoume indo pola tanxente.

Os primeiros en presentarse foron os dous "grandes", McLaren e Ferrari(por certo, recomendo unha visita á páxina das dúas escuderías; a dos italianos -Mundo Ferrari-dálle mil voltas en canto a deseño e todo).
Uns fixérono no museo de Mercedes-Benz en Stuttgart (ou Stoccarda que lle chaman os italianos e me fai bastante gracia), aínda que en principio non tiña pensado facer a típica presentación e amosar, deste xeito, o seu coche por primeira vez no circuito de Jerez. Din nos corrillos da F-1 que Ron Dennis está perdendo peso específico na escudería angloalemana.

E os outros fixérono na súa sede de Maranello, moi preto de Módena (Emilia-Romagna) e sen excesivos luxos e famoseo, case de puntillas. Do mesmo xeito o novo bólido da Scuderia xa fixo os seus primeiros kilómetros no circuito propio de Fiorano.
De aquí a final de mes iranse presentando o resto de equipos, uns optando por facer unha ceremonia de presentación á prensa e afeccionados e outros, amosándoo directamente en pista. Os de Renault serán os últimos e farán unha especie de híbrido, xa que o novo monoplaza poderá verse no circuito andaluz de Jerez, antes mesmo da presentación en público.

Pero sigo índome polas ramas e non vos ofrezo as miñas apostas de como vai quedar todo aló polo 2 de novembro. Sobre todo o que máis me interesa é o lugar que vai ocupar ese día Fernando Alonso na clasificación final. Xa teñen corrido ríos e ríos de tinta sobre a súa situación actual e, sobre todo, do coche co que se vai atopar dentro duns días. Eu creo que o asturiano vai estar arriba, mesmo loitando pola victoria final. Non sei o porqué, pero este tipo dame moi boas vibracións (non estou falando de que me caia ben ou mal) de cara a conseguir que un coche que o ano pasado se arrastrou, este ano vaia a pola victoria. Se cadra volve a firmar outra temporada como a súa primeira de piloto oficial de Renault, mellorando os resultados gran premio a gran premio e sen ser candidato á victoria final. Pero, non sei, as cousas que se están escoitando e todas as novidades que presenta esta tempada inclíname a pensar que vai a loitar desde o principio. El vai levar á escudería francesa as míticas "7 décimas" que sempre dixo portara consigo á escuadra de Ron Dennis. El sabe como ninguén conducir sen control de tracción. Ao igual que o resto, pero como se manexa sobre a auga dá idea de que ten algo especial cando o coche é menos controlable. Todos tamén falan de que Lewis Hamilton sabe defendersemoi ben sen control de tracción, como demostrou na GP2. Claro que, tamén din as malas linguas que senón fose por un "invento" que tiña no seu coche ata metade de temporada (foille prohibido utilizalo polo órgano director da GP2, supoño que será a mesma FIA) non quedaría campión. A partir de que lle retiraron ese complemento ao seu coche, Nelsinho Piquet (o flamante compañeiro de Alonso) restou a vantaxe a grandes pasos e estivo a piques de derrotalo na "volata" final.
Penso que Alonso vai estar arriba porque a visión sobre Renault e as aspiracións de Alonso para este ano, que tiñan todos os equipos e "sabios" da F-1 a semana que se coñeceu a noticia da súa fichaxe polos de Flavio Briatore, variou sustancialmente.

Mark Webber: "Alonso no podrá alcanzar con Renault el nivel del año pasado con McLaren".

"Alonso lo tendrá bastante difícil para ganar el Mundial".
Villadelprat: "Renault está lejos de McLaren y Ferrari actualmente".

Montoya: "Ni Senna triunfaría con ese Renault".

Agora moitos xa din que haberá que contar con Renault porque a chegada dun bicampeón do mundo pode darlles un impulso moi grande.

"McLaren será sin duda nuestro rival más fuerte, aunque ahora no tienen a Fernando Alonso y eso es una ventaja para nosotros". "Renault está un escalón por debajo, aunque ahora con Alonso..." (Stefano Domenicali, novo "patrón" de Ferrari).

"Todo depende del coche que tenga, mientras no comience a rodar, como nosotros, y se conozca el potencial del coche es difícil hacer pronósticos, pero estoy seguro de que estará arriba y ser campeón dependerá del coche que tenga" (Jarno Trulli, ex-compañeiro de Alonso e piloto de Ferrari).

Pedro de la Rosa e Marc Genéasí o fixeron, tamén. Entendo que o fagan porque son compatriotas de Fernando e amigos. Pero tamén o podían facer quedando ben con él e dicindo algo como que o terá moi difícil, a pesar de que un gran piloto. Non, dixeron que tamén ía ser un duro competidor.
O mesmo "capo" de Ferrari, Luca Cordero di Montezemolo dicía o seguinte:

"L'obiettivo, naturalmente, è rivincere anche se la concorrenza sarà straordinaria. La McLaren - analizza il presidente Ferrari - ha piloti giovani, la Renault ha scommesso su Alonso, Bmw è quella che si avvicinata di più lo scorso anno e la Honda con Ross Brawn ha fatto la scelta giusta".

De todos os xeitos, antonte descolgábase Raikkonen cunhas declaracións nas que el só ve como rival aos McLaren. Ese era o titular, moi pomposo e parece que definitiva para os intereses do asturiano.Claro que se imos ao corpo do texto afirma que BMW e Renault tamén poderán ser rivais, pero haberá que esperar a que pasen un par de carreiras.

Dito todo esto e vistos os antecedentes, eu estou seguro que Alonso dará guerra e será Campión do Mundo por terceira vez. Imaxino que en Renault estarán traballando a tope e chegarían máis cartos co arribo de Alonso. ING ten moitos cartos e seguro que pode apoquinar máis, porque tamén vai gañar moito en publicidade. E confío en Flavio Briatore. É un home, como Alonso, ao que lle gusta gañar e, sobre todo, gañar para saír na Prensa.
Así e todo, eu tamén me conformaría con que Alonso quedará por diante de Hamilton. Sei que é triste, pero así o sinto.

De todos os xeitos, de aquí ao 18 de marzo todo serán o que di esta canción: parole, parole, parole...

Saúde.

servido por cazandobiosbardos 15 comentarios compártelo